“Qərb Bakı və İrəvan arasındakı həll prosesinə təsir göstərməyə çalışır”

Ermənistanın KTMT-yə üzv olmasına baxmayaraq, Qərb Bakı ilə İrəvan arasında həll prosesinə kənardan təsir göstərməyə çalışır.

"Operativ Media" xəbər verir ki, bunu Kollektiv Təhlükəsizlik Müqaviləsi Təşkilatının (KTMT) Birgə Qərargahının rəisi, general-mayor Andrey Serdyukov bildirib.

Bəzi dövlətlərin Cənubi Qafqazda mövqelərini gücləndirmək, Xəzər dənizinin sərvətlərinə çıxış əldə etmək və Mərkəzi Asiyaya birbaşa çıxışı təmin etmək üçün cəhdlər etdiklərinə diqqət çəkən Serdyukov qeyd edib ki, bu məqsədlə Ermənistan-Azərbaycan sərhədindəki yüksək münaqişə potensialından fəal istifadə olunur:

"Sülh sazişinin imzalanması həll prosesinin irəliləməsinə mühüm töhfədir. Bu, öz əhəmiyyətini qoruyur".