"Tramp prezident seçilsə, Rusiya və Ukraynanı sülh danışıqlarına məcbur edəcək"

ABŞ-ın keçmiş prezidenti Donald Tramp noyabrda keçiriləcək prezident seçkilərində qalib gələcəyi təqdirdə Ukraynanı Rusiya ilə sülh danışıqlarına məcbur etməyi, həmçinin bəzi NATO üzvləri qarşısında öhdəliklərini azaltmağı planlaşdırır.

"Operativ Media" xəbər verir ki, bu barədə "Bloomberg" yazır.

Məlumata görə, Donald Trampın müşavirləri seçkinin nəticələri toplanandan dərhal sonra Ukrayna və Rusiya prezidentləri Vladimir Zelenski və Vladimir Putin arasında danışıqların planlaşdırılması imkanını müzakirə edəcəklər. Ukrayna danışıqları rədd edərsə, Tramp Zelenskini hərbi yardımı kəsməklə hədələməyi planlaşdırır. Bunun müqabilində Rusiya Ukraynaya hərbi dəstəyin artırılması şərti ilə ABŞ-ın keçmiş prezidentini danışıqlara qayıtmağa razı salmağı planlaşdırır.

Bundan əlavə, Donald Tramp NATO sazişinin hücum zamanı alyans üzvlərinin kollektiv müdafiəsini nəzərdə tutan 5-ci maddəsinin yalnız müdafiə xərcləri hədəflərinə çatan ölkələrə şamil ediləcəyini elan etməyi planlaşdırır.

Rusiya prezidenti Vladimir Putin bildirib ki, Rusiya Donald Trampdan çox Co Baydeni ABŞ prezidenti kimi görməyə üstünlük verəcək.

O, həmçinin bəyan edib ki, Rusiya istənilən ABŞ lideri ilə işləməyə hazırdır.

Ukrayna prezidenti Vladimir Zelenski isə qeyd edib ki, Tramp sülhü təmin etsə” “xoşbəxt prezident” olacaq, çünki Ukrayna münaqişə zamanı çoxlu itki verib.