Türkiyə xarici gəmilərin öz ərazi sularına və ya dəniz limanlarına yaxınlaşmasına dair xəbərdarlıq edib

Türkiyə digər ölkələrin Hərbi Dəniz Qüvvələrinə məxsus gəmilərin öz ərazi sularına və ya dəniz limanlarına yaxınlaşmasına dair məlumat verməsi barədə xəbərdarlıq edib.

"Operativ Media" "Resmi Qazete”yə istinadən xəbər verir ki, Türkiyə sularına daxil olmaq barədə məlumat ölkəyə məxsus dəniz sahillərindən beş dəniz milindən çox olmayan məsafədə radio ilə verilməlidir.

Sənəddə həmçinin qeyd edilib ki, xarici hərbi gəmilər Türkiyə ərazi sularında olarkən yerli hakimiyyət orqanlarının icazəsi olmadan göyərtəsində təyyarə, helikopter və pilotsuz uçuş aparatlarından istifadə edə bilməz.

Bənzər tələb dalğıclara da aiddir. Qəzet qeyd edib ki, təcili təmir, karantin nəzarəti ilə bağlı hallar istisnadır, lakin buna baxmayaraq, digər hallar türkiyəli mütəxəssislərin müşayiəti ilə aparılmalıdır.