Gələn il Azərbaycana 10 yeni sürət qatarı gətiriləcək

Bakı-Sumqayıt istiqaməti üzrə fəaliyyət göstərən sürət qatarları gündəlik 20-25 min sərnişinin daşınması üçün nəzərdə tutulub.

"Operativ Media" xəbər verir ki, bunu jurnalistlərə “Azərbaycan Dəmir Yolları” Qapalı Səhmdar Cəmiyyətinin sədri Rövşən Rüstəmov bildirib.

Onun sözlərinə görə, 10 sürət qatarının alınması ilə bağlı müqavilə bağlanılıb və növbəti ilin sonunda ilk qatarlar ölkəyə gətiriləcək.