"Sərhədlərinin delimitasiyası üzrə komissiyaların metodologiyası layihəsi iki-üç ərzində təsdiqlənəcək" - Qriqoryan

Ermənistan baş nazirinin müavini Mher Qriqoryan hesab edir ki, iki-üç ay ərzində Ermənistan və Azərbaycan sərhədlərinin delimitasiyası üzrə komissiyaların metodologiyası layihəsi təsdiqlənəcək.

"Operativ Media" xəbər verir ki, Qriqoryan bunu Milli Assambleyada hökumət saatında bildirib.

“Birinci mərhələdə biz təmaslarımızın nəticələrinin ümumiləşdirilməsi və təşkili yolunu təsvir etdiyimiz iş prosedurunu müzakirə edib təsdiq etdik və bu barədə iki ölkənin hökumətləri ilə razılaşdıq

Bu mərhələdə biz daha çox metodoloji təsviri özündə əks etdirən birgə fəaliyyətin reqlamentini müzakirə edirik və biz bu işi başa çatdırdıqdan sonra hər iki ölkə bu sənədin layihəsini daxili dövriyyəyə təqdim edəcək. Məzmundan, nə təsvir olunacağından, hansı konsensusa çatacağımızdan asılı olaraq, buna uyğun olaraq, bu sənəd çox güman ki, qanun layihəsi şəklində paylanacaq”, - Qriqoryan bildirib.

Baş nazirin müavininin sözlərinə görə, tərəflər prinsipial mövqelər çərçivəsində qalsalar və layihə ətrafında işləri Alma-Ata Bəyannaməsinə əsaslanarsa, o zaman iki-üç ay ərzində onlar qanun layihəsini hazırlaya biləcəklər.

“Metodologiya təsdiq edildikdən sonra həm delimitasiya, həm də demarkasiya prosesi çox vaxt aparacaq, lakin buna baxmayaraq, konkret nə ilə məşğul olduğumuz hamımıza aydın olacaq”, - deyə Qriqoryan yekunlaşdırıb.