İraqla Azərbaycan arasında ikitərəfli münasibətlərlə bağlı fikir mübadiləsi aparılıb

İraqın Milli Dövlət Qüvvələri Alyansının prezidenti Ammar Əl-Hakim Azərbaycanın İraqdakı səfiri Nasir Məmmədovla görüşüb.

"Operativ Media" xəbər verir ki, bu barədə Ammar Əl-Hakimin "X" hesabında paylaşım edilib:

"Biz Azərbaycanın İraqdakı səfiri Zati-aliləri cənab Nasir Məmmədovla görüşdük və regionda baş verən hadisələrin inkişafı və İraqla Azərbaycan arasında ikitərəfli münasibətlərlə bağlı fikir mübadiləsi apardıq".

"Biz həmçinin İraqda mövcud sabitliyə töhfə verən dəyişikliklərin, məsələn, siyasi, sosial və təhlükəsizlik dəyişikliklərinin xarakterini qeyd etdik və İraqla Azərbaycan arasında siyasi, hökumət və mədəni səviyyələrdə səfərlərin mübadiləsinə çağırdıq", - o, qeyd edib.