Peskov: "İrəvan-Moskva əməkdaşlığı erməni xalqı üçün faydalıdır"

İrəvanla Moskva arasında əməkdaşlıq tamamilə faydalıdır, bundan erməni xalqı faydalanır.

"Operativ Media" xəbər verir ki, bunu Kremlin mətbuat katibi Dmitri Peskov bildirib.

O, qeyd edib ki, son bir ildə Ermənistanın ÜDM-in artımı 15%-dən yuxarı olub - bu, qismən Rusiya Federasiyası ilə əməkdaşlıqdan, eləcə də Aİİ-yə üzvlükdən irəli gəlir:

"Biz kiməsə nəyisə diktə etməyin əleyhinəyik. Biz birlikdə pul qazanmağın, birlikdə daha xoşbəxt və zəngin olmağın tərəfdarıyıq. Əminik ki, erməni dostlarımız da bunu başa düşürlər".