14 Dekabr 2022, 09:21
Pentaqon Belarus ordusunun qəfil yoxlanılmasını region üçün təhlükə hesab etmir

ABŞ Müdafiə Nazirliyi öz ordusunun Ukrayna sərhədi yaxınlığında plansız təlimlər keçirəcəyini elan edən Belarusdan transsərhəd təhlükəsizliyə təhdid görmür.
"Operativ Media" “Ukrinform”a istinadən xəbər verir ki, bu barədə çərşənbə axşamı brifinq zamanı ABŞ Müdafiə Nazirliyinin sözçüsü general Patrik Rayder bildirib.
"Bizim hesablamalarımıza görə, indiyə kimi biz Belarus tərəfindən heç bir təhlükə yaradan transsərhəd fəaliyyəti müşahidə etmirik ", - deyə o, qeyd edib.
O vurğulayıb ki, ABŞ regiondakı vəziyyəti, o cümlədən Belarusun (hərbi - red.) fəaliyyətini diqqətlə izləməyə davam edəcək.