Qurbanqulu Berdiməhəmmədov və Ərdoğan arasında görüş olub

Bu gün Türkmənistan Milli Şurasının Xalq Şurasının sədri Qurbanqulu Berdiməhəmmədov Türkmənistan, Azərbaycan və Türkiyənin birinci üçtərəfli sammitində iştirak etmək üçün Türkmənistana səfərə gələn Türkiyə Respublikasının Prezidenti Rəcəb Tayyib Ərdoğan ilə görüşüb.

Görüş zamanı tərəflər müxtəlif sahələrdə hökumətlərarası əlaqələrin inkişafına dair fikir mübadiləsi aparıblar. Əsasən ticarət-iqtisadiyyat, yanacaq-energetika, nəqliyyat-kommunikasiya və sənaye sahələrində əməkdaşlığın təşviqi məsələlərinə diqqət yetirilib. Söhbətdə parlamentlərarası əlaqələrin inkişafı diqqət mərkəzində saxlanılıb.

Həmçinin söhbət zamanı Türk Dövlətləri Təşkilatı çərçivəsində regional əməkdaşlığın genişləndirilməsi məsələləri müzakirə olunub.

Bundan əlavə, görüş zamanı iki qardaş xalqı birləşdirən, minilliklərə gedib çıxan kökləri olan mədəni-mənəvi dəyərləri özündə birləşdirən ənənəvi humanitar əlaqələr müzakirə olunub.