Hikmət Hacıyev Çinin xarici işlər nazirinin müavini ilə görüşüb

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Çinin xarici işlər nazirinin müavini Sun Veydonqla görüşüb.

"Operativ Media" xəbər verir ki, bu barədə Hikmət Hacıyev "X"də bildirib.

"Görüşdə Azərbaycan və Çin arasında ikitərəfli əməkdaşlığın durumundan məmnunluğumuzu vurğuladıq və ənənəvi dostluq tərəfdaşlığımızın keyfiyyətcə yeni səviyyəyə yüksəldilməsi üçün qarşılıqlı iradə ifadə etdik. BRI çərçivəsində Orta Dəhlizinin gələcək fəaliyyətinə, hər iki ölkənin Qlobal Cənubu təmsil etdiyinə görə COP29 çərçivəsində qarşılıqlı fəaliyyətə və beynəlxalq təşkilatlarda qarşılıqlı dəstəkə dair fikir mübadiləsi aparılıb. Çinin Azərbaycanın yaşıl inkişaf və rəqəmsal transformasiya gündəliyinə verdiyi dəstək yüksək qiymətləndirilir", - o, qeyd edib.