Rəisi Putini yenidən prezident seçilməsi münasibətilə təbrik edib

İran prezidenti İbrahim Rəisi telefonla Rusiya prezidenti Vladimir Putini yenidən prezident seçilməsi münasibətilə təbrik edib.

"Operativ Media" xəbər verir ki, bu barədə Kremlin mətbuat xidməti xəbər verir .

“Telefon danışığı zamanı İran İslam Respublikasının Prezidenti İbrahim Rəisi Vladimir Putini yenidən Rusiya Federasiyasının Prezidenti seçilməsi münasibətilə səmimi qəlbdən təbrik edib, Rusiya-İran dostluq münasibətlərinin xalqların rifahı naminə bundan sonra da dinamik şəkildə inkişaf edəcəyinə əminliyini ifadə edib”, - bəyanatda deyilir.