Şolts: "Putinlə birbaşa danışıqlar üçün düzgün an lazımdır"

"Rusiya prezidenti Vladimir Putinlə birbaşa danışıqlar üçün düzgün an lazımdır".

"Operativ Media" xəbər verir ki, bunu Almaniya kansleri Olaf Şolts deyib.

Şolts "Avropa 2024" konfransı zamanı Putinlə danışıqların mümkünlüyünü şərh edərək, Fransa prezidenti Emmanuel Makron kimi Rusiya lideri ilə bir ildən çox əvvəl birbaşa danışdığını bildirib.

"İkimiz də dedik ki, bunu yenidən edəcəyik, lakin doğru an gəlib çatmalıdır", - Almaniya kansleri deyib.

Onun fikrincə, danışıqlara başlamaq üçün Qərb Rusiya rəhbərliyini inandırmalıdır ki, o, lazım olduğu qədər Ukraynanı dəstəkləməyə hazırdır. Şolts əlavə edib ki, bu halda ədalətli sülhə nail olmaq mümkün olacaq.