Ermənistan KTMT PA-nın Moskvadakı terroru pisləyən bəyanatına qoşulmayıb

Ermənistan KTMT Parlament Assambleyasının nümayəndə heyətlərinin Moskvadakı terroru pisləyən bəyanatına qoşulmayıb.

"Operativ Media" xəbər verir ki, məsələ ilə bağlı Ermənistan parlamentinin spikerinin sözçüsü Nelli Qulyan KİV-ə açıqlama verib.

"Ermənistan KTMT üzvlüyünü dondurub. KTMT Ermənistan tərəfinə bəyanata qoşulmağı təklif etdi, biz onu qəbul etmədik”, - Qulyan qeyd edib.

Xatırladaq ki, KTMT-yə üzv ölkələrin parlament nümayəndə heyətləri martın 22-də Moskvanın “Krokus Siti Holl”unda baş vermiş terror aktını pisləyən birgə bəyanat yayıb.