İrəvan rəsmi Bakının sərhəddə qoşun toplanması ilə bağlı bəyanatını təkzib edib

Azərbaycan Müdafiə Nazirliyinin Ermənistan Silahlı Qüvvələri tərəfindən sərhəd zonasının müxtəlif istiqamətlərində şəxsi heyətin, zirehli texnikanın, artilleriya və digər atıcı silahların cəmləşdirilməsi və aktiv yerdəyişmələri həyata keçirməsi barədə bəyanatı reallığa uyğun gəlmir. 

"Operativ Media" xəbər verir ki, bu barədə Ermənistan hərbi idarəsinin bəyanatında deyilir.

"Ermənistan Müdafiə Nazirliyi onu da bildirib ki, martın 30-da bəzi "Telegram" kanallarında təlim prosesi çərçivəsində avtoyürüş keçirən sürücülərin fotoşəkilləri yayılıb. Bu, qoşunların sərhədlərə hərəkəti kimi təqdim edilib. Məlumat doğru deyil", - departament vurğulayıb. 

İrəvan Ermənistan-Azərbaycan dövlət sərhədində əməliyyat vəziyyətini sabit kimi qiymətləndirib və sərhədin mühafizəsi üçün əlavə tədbirlərin görülməsinə ehtiyac görmədiklərini bəyan edib.