http://operativmedia.az/frontend/img/svg/proqnozu.svg
Bakı 18 ° C

Azərbaycan və Rumıniya Hökumətləri arasında Müştərək Komissiyanın 8-ci iclası keçirilib

01 Aprel 2024 , 11:59
Azərbaycan və Rumıniya Hökumətləri arasında Müştərək Komissiyanın 8-ci iclası keçirilib

Bakıda Azərbaycan və Rumıniya Hökumətləri arasında ticarət-iqtisadi əlaqələr və elmi-texniki əməkdaşlıq üzrə Müştərək Komissiyanın 8-ci iclası keçirilib.

"Operativ Media" xəbər verir ki, iclasda iştirak etmək üçün Komissiyanın Rumıniya tərəfindən həmsədri, Rumıniyanın energetika naziri Sebastyan-İoan Burdujanın rəhbərlik etdiyi nümayəndə heyəti ölkəmizdə səfərdədir.

Komissiyanın Azərbaycan tərəfindən həmsədri, əmək və əhalinin sosial müdafiəsi naziri Sahil Babayevlə S.İ.Burdujanın təkbətək görüşündə ötən dövrdə ikitərəfli əməkdaşlığın inkişafı sahəsində görülmüş işlərə və Komissiyanın 8-ci iclasının gündəliyinə dair fikir mübadiləsi aparılıb.

Nümayəndə heyətlərinin iştirakı ilə keçirilən iclasda S.Babayev Azərbaycan və Rumıniyanın diplomatik münasibətlərinin qurulmasından ötən dövr ərzində iki ölkənin əlaqələrinin daim genişlənməkdə olduğunu bildirib.

2009-cu ildə imzalanmış Strateji tərəfdaşlığa dair Birgə Bəyannamənin və 2011-ci ildə imzalanmış Strateji tərəfdaşlığın həyata keçirilməsi üzrə Birgə Fəaliyyət Planının, ümumən ötən dövrdə imzalanmış 60-dan çox əməkdaşlıq sənədinin ölkələrimiz arasında əlaqələrin inkişafına imkan yaratdığı, bu əlaqələrin strateji tərəfdaşlıq səviyyəsinə yüksəldiyi qeyd olunub.

Azərbaycan və Rumıniyanın iqtisadi əlaqələrində inkişaf dinamikasının davamı olaraq, iki ölkə arasında ticarət dövriyyəsinin yüksələn xətlə davam etdiyi və ötən il də 29,3 faiz artdığı qeyd edilib.

S.İ.Burduja ölkəsinin Azərbaycanla dost münasibətlərinə əsaslanan əməkdaşlıq əlaqələrinin daim genişlənməsinə xüsusi önəm verdiklərini, hazırki iclasın da bu istiqamətdə töhfə verəcəyinə ümidvar olduğunu bildirib.

İclasda enerji, nəqliyyat, investisiya, kənd təsərrüfatı, sosial, təhsil, humanitar, infrastruktur, inşaat və digər sahələrdə gələcək əməkdaşlıq istiqamətlərinə dair müzakirələr aparılıb.

Sonra S.Babayev və S.İ.Burduja Azərbaycan və Rumıniya Hökumətləri arasında ticarət-iqtisadi əlaqələr və elmi-texniki əməkdaşlıq üzrə Müştərək Komissiyanın 8-ci iclasının Protokolunu imzalayıblar.

Həmçinin Qida Təhlükəsizliyi Agentliyinin sədri Qoşqar Təhməzli və Rumıniyanın Milli Sanitar Baytarlıq və Qida Təhlükəsizliyi İdarəsinin Sədri-Dövlət katibi Aleksandru Nikolae Boçu tərəfindən baytarlıq və qida təhlükəsizliyi sahələrində əməkdaşlığa dair Anlaşma Memorandumları imzalanıb.

OXŞAR XƏBƏRLƏR
Ceyk Sallivan: Rusiya nüvə başlığı daşıya bilən peyk hazırlayır

Ceyk Sallivan: Rusiya nüvə başlığı daşıya bilən peyk hazırlayır

Macarıstanın xarici işlər nazirinin Azərbaycana rəsmi səfəri başlayıb

Macarıstanın xarici işlər nazirinin Azərbaycana rəsmi səfəri başlayıb

Estoniya XİN Ermənistan-Azərbaycan sərhədinin demarkasiyasını alqışlayıb

Estoniya XİN Ermənistan-Azərbaycan sərhədinin demarkasiyasını alqışlayıb

XƏBƏR LENTİ
  • 07:11

    Rusiya məhkəməsi “JPMorgan”ın 439,5 milyon dollarına həbs qoyub
  • 06:51

    İtaliya Kuboku: "Atalanta" finala yüksəldi
  • 06:47

    Ceyk Sallivan: Rusiya nüvə başlığı daşıya bilən peyk hazırlayır
  • 06:15

    Rusiyanın müdafiə naziri müavinini vəzifəsindən uzaqlaşdırıb
  • 05:55

    Macarıstanın xarici işlər nazirinin Azərbaycana rəsmi səfəri başlayıb
    Macarıstanın xarici işlər nazirinin Azərbaycana rəsmi səfəri başlayıb
  • Dünən
    23:44

    Ürfan Abbasov 300-ə çatdı
  • Dünən
    23:32

    Çin səfirliyi: Vaşinqtonun ABŞ-də TikTok-u qadağan etmək qərarını quldurluğa bənzəyir
  • Dünən
    23:15

    Estoniya XİN Ermənistan-Azərbaycan sərhədinin demarkasiyasını alqışlayıb
Menyu