http://operativmedia.az/frontend/img/svg/proqnozu.svg
Bakı 18 ° C

Deputat: "Müharibə yenidən alovlansa, qonşu dövlətlərə də təsir göstərəcək"

02 Aprel 2024 , 12:50
Deputat: "Müharibə yenidən alovlansa, qonşu dövlətlərə də təsir göstərəcək"

"Azərbaycan və Ermənistan arasında regional gərginliyin azaldılması ilə bağlı məsələ mütləq şəkildə beynəlxalq səviyyədə dəyərləndirilməlidir. Əks halda toqquşmaların olması labüddür".

Bunu "Operativ Media"ya açıqlamasında millət vəkili Arzu Nağıyev bildirib.

Onun sözlərinə görə, Paşinyanın son açıqlamaları gərginliyin olmasından xəbər verir:

"Gərginlik ondan ibarətdir ki, ABŞ, Fransa və digər havadarlar bu gün ciddi cəhdlə çalışırlar ki, sülh müqaviləsinin imzalanmasından öncə şərti sərhədlərə uyğun olaraq yüksəklikləri ələ keçirsinlər və həmin yüksəkliklərdən sonra gələcəkdə delimitasiya və demarkasiya məsələsinə başlasınlar. Bu, onların köhnədən olan arzularıdır, eyni zamanda güzgüvari şəkildə qoşunların çəkilməsi məsələsi də bu proseslərdə var. Həmçinin həmin əraziyə də mütləq şəkildə özlərinin də müxtəlif sənədlərdə qanuniləşdirməyə çalışdığı digər qüvvələrin gətirilməsi məsələsi var. Çünki artıq beynəlxalq təşkilatlarda, bəzi sənədlərdə onlar göstərirlər ki, gələcəkdə digər dövlətlər olan sərhədləri Ermənistan sərhəd qoşunları və digər qüvvələr qoruyacaq.

Düşünürəm ki, digər qüvvələr də məhz fransızlardan digərlərindən təşkil olunmuş vizual kəşfiyyatçılardan ibarət silahlı dəstələrdir və burada məlumdur ki, terror təşkilatlarının da reallaşdırılması istiqamətində addımlar atacaq. Bir tərəfdən bunlar Rusiyaya qarşı atdıqları addımlardır, yəni sərhəd məsələlərində məlumdur ki, Federal Təhlükəsizlik Xidmətinin qoşunları müxtəlif sərhədləri qoruyur, yaxud Rusiyanın regionda olan bazalarının çıxarılması məsələsi də gündəmdə qalır. Rusiya orda ola-ola "xarici təcavüzdən" niiy kimsə kənardan gəlib 1000 kilometr uzaqdan qorumalıdır?"

Millət vəkili qeyd edib ki, regionda sülhün bərqərar olmasını doğrudan da istəməyən qüvvələr var:

"Son vaxtlarda dislokasiya yerlərini dəyişən qoşunları biz müşahidə edirik. Artıq bu, bütün beynəlxalq kütləvi informasiya vasitələrində də var. Bu məsələ də Qazax istiqamətində dörd kəndin qaytarılması danışıqlarından sonra başladı. Böyük müharibə ehtimalı, təbii ki, görünmür, ancaq lokal şəkildə müəyyən problemlər yarana bilər. Bunun da qarşısını almaq üçün Azərbaycanın hərbi qüvvələri ən yüksək səviyyədə öz işini görəcək və görməkdədir. Lakin regionda sülhün bərqərar olmasını doğrudan da istəməyən qüvvələr var. Burada Fransanın da adını çəkmək olar, digər bir sıra Qərb dövlətlərinin də, hətta qonşu dövlətlərin də bəzilərinin marağı var. Sadəcə olaraq bir sıra qonşu dövlətlər də bəyanatla çıxış etməlidir ki, əgər bu münaqişə olsa, yenidən müharibə alovlansa, onlardan heç də yan keçməyəcək. Çünki artıq burada NATO qüvvələrindən, Ermənistandan istifadə edərək Rusiya-NATO gərginləşməsindən söhbət gedir. Buna görə də düşünürəm ki, regional gərginliyi azaltmaq üçün mütləq beynəlxalq səviyyədə buna qiymət verilməlidir. Əks halda, toqquşmalar labüddür. Lakin inandırıcı görünmür ki, bu, böyük müharibəyə çevrilsin. Çünki böyük müharibəyə çevrilməsi bütün regional dövlətlərə özünün ən ciddi təsirini göstərəcəkdir".

Sevinc İbrahimzadə

OXŞAR XƏBƏRLƏR
Rusiya XİN Ermənistanın KTMT-ni tənqid etməsindən təəssüfləndiyini bildirib

Rusiya XİN Ermənistanın KTMT-ni tənqid etməsindən təəssüfləndiyini bildirib

Zaxarova: Rusiya"Erməni soyqırımı" ilk tanıyanlardan biri olub

Zaxarova: Rusiya"Erməni soyqırımı" ilk tanıyanlardan biri olub

Rusiya XİN: "Ermənistanla Azərbaycan arasında sərhədin delimitasiyası məsələlərin siyasi və diplomatik üsullarla həllinin tərəfdarıyıq"

Rusiya XİN: "Ermənistanla Azərbaycan arasında sərhədin delimitasiyası məsələlərin siyasi və diplomatik üsullarla həllinin tərəfdarıyıq"

XƏBƏR LENTİ
  • 14:24

    Azərbaycanın ilk ombudsmanı vəfat edib
  • 14:20

    Ölkəmizdə ilk dəfə İnteryer Mebel Forumu keçiriləcək
  • 14:18

    Rusiya XİN Ermənistanın KTMT-ni tənqid etməsindən təəssüfləndiyini bildirib
  • 14:13

    Zaxarova: Rusiya"Erməni soyqırımı" ilk tanıyanlardan biri olub
  • 14:08

    "Qəbələ"nin hücumçusu əməliyyat olundu
  • 13:59

    Rusiya XİN: "Ermənistanla Azərbaycan arasında sərhədin delimitasiyası məsələlərin siyasi və diplomatik üsullarla həllinin tərəfdarıyıq"
  • 13:47

    İlham Əliyev və Sadır Japarov Ağdamda Şahbulaq qalasında olublar
    İlham Əliyev və Sadır Japarov Ağdamda Şahbulaq qalasında olublar
  • 13:36

    Juninyo: "Məşqçimiz bizim rahatlaşmağımıza imkan vermir"
Menyu