Macarıstan XİN Ukraynaya qoşun göndərilməsinin müzakirəsinə qəti şəkildə qarşı çıxıb

Macarıstan Qərb ölkələrindən Ukraynaya hərbi personal göndərilməsi ilə bağlı müzakirələri qəti şəkildə rədd edir.

"Operativ Media" xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto bildirib.

“Biz həmçinin Ukraynaya qoşun yeritmək imkanından bəhs edən bəyanatların qəti əleyhinəyik”, - deyə o qeyd edib.

Xarici işlər naziri əlavə edib ki, Macarıstanın Ukraynada sülh istəyi Avropada əsas baxışlara aid deyil, çünki oxşar mövqeyə malik dövlətlər dərhal damğalanmağa başlayır.