ABŞ, Filippin və Yaponiya sammitdə Cənubi Çin dənizindəki mübahisəni həll edəcək

ABŞ, Yaponiya və Filippin liderləri arasında keçiriləcək üçtərəfli sammitdə Cənubi Çin dənizində baş verən son insidentlərin müzakirəsi olacaq.

"Operativ Media" "Reuters"ə istinadən xəbər verir ki, ABŞ prezidenti Cozef Bayden gələn həftə Yaponiyanın baş naziri Fumio Kişida və Filippin prezidenti Ferdinand Markos ilə iqtisadi əlaqələri və Hind-Sakit Okeanı müzakirə edəcək .

Filippinin xarici işlər katibinin müavini Hans Mohaimin Siriban mətbuat konfransında bildirib ki, gələn həftə üçün nəzərdə tutulan sammit heç bir ölkəyə yönəlməyib, baxmayaraq ki, üç ölkə Çinin regionda artan aqressivliyindən narahatlığını ifadə edib.