Van Yi Rusiya ilə qarşılıqlı əlaqələri gücləndirməyə hazır olduğunu bildirib

Çin və Rusiya münasibətlərin yeni modelini müdafiə edəcəklər.

"Operativ  Media" xəbər verir ki, bunu Çinin xarici işlər naziri Van Yi deyib.

“Biz münaqişə deyil, dialoq və tərəfdaşlıq ruhuna əsaslanan dövlətlərarası münasibətlərin yeni modelinin lehinə danışmalıyıq”, - o, Pekində ikitərəfli danışıqlardan sonra Rusiyanın xarici işlər naziri Sergey Lavrovla birgə mətbuat konfransında bildirib.

Çin diplomatının sözlərinə görə, Pekin və Moskva birgə hegemonluq və despotizmə, eləcə də ayrı-ayrı dövlətlər tərəfindən həyata keçirilən zorakılıq siyasətinə qarşı çıxacaq, “soyuq müharibə" zehniyyətinə və qarşıdurma yaratmaq cəhdlərinə qarşı mübarizə aparacaqlar.