Orban Aİ rəhbərliyini siyasi şantajda ittiham edib

“Avropa İttifaqının indi yaşıl keçid, davamlılıq siyasəti, miqrasiya, sanksiyalar və hərbi siyasət kimi öz-özünə seçdiyi əsas layihələri olan liderləri var və bunların hamısı uğursuzluğa düçar olub. Avropa İttifaqının hazırkı rəhbərliyi getməlidir, bizə yeni liderlər lazımdır".

"Operativ Media" xəbər verir ki, bunu Macarıstanın baş naziri Viktor Orban mətbuat konfransında deyib.

Onun narazılığı Avropa Komissiyasının sədri Ursula von der Leyenin Macarıstanın immiqrasiya və gender əleyhinə siyasətlərə görə Aİ fondlarından pul almayacağı ilə bağlı açıqlamalarından qaynaqlanıb.

Məlumata görə, Macarıstan rəsmiləri dəfələrlə Aİ-ni Ukraynaya dəstək verdiyinə görə tənqid ediblər.

Macarıstanın xarici işlər naziri Peter Szijarto bildirib ki, Rusiya Federasiyasına qarşı sanksiyalar Ukraynada hərbi əməliyyatların davam etməsi və Avropada iqtisadi vəziyyətin pisləşməsi səbəbindən uğursuzluğa düçar olub. Nazir Macarıstanın Ukrayna ilə bağlı danışıqlara çağırışlara görə hücuma məruz qaldığını iddia edib.