“Zərgər dəqiqliyi ilə aparılmış siyasətin bu gün bəhrəsini görürük” - Politoloq

"Rusiya Sülhməramlılarının Qarabağdan çıxmağa başlaması Azərbaycanın yaratdığı siyasi reallığın nəticəsidir”.

Bunu “Operativ Media”ya açıqlamasında siyasi şərhçi Züriyyə Qarayeva deyib:

“Rus sülhməramlı qüvvələrinin bölgəni vaxtından daha erkən tərk etməsi, hal-hazırda bölgədə yaranan yeni silahlı reallıqlar və Bakının yaratdığı siyasi konfiquriyasiyalarla bağlıdır. Məlum məsələdir ki, artıq bölgədə separatizm tamamilə məhv olub, ermənilərin böyük bir qismi öz istəkləri ilə bölgəni tərk edib və nəticə etibarı ilə rus sülhməramlı qüvvələrin də müvafiq ərazidə qalmaları üçün heç bir şərt mövcud deyil”.

Politoloqun sözlərinə görə, 2020-ci ilin Vətən Müharibəsi, 2023-cü ilin antiterror əməliyyatı - bütün addımların ölçülüb-biçilmiş, düşünülmüş və vahid plan kimi atılması prezident İlham Əliyevin "Nəyi, necə, nə vaxt etmək lazımdır, bunu mən bilirəm"  fikrini bir daha aşılayır:

“Hal hazırda onların zamanından da erkən bölgəni tərk etməsi, artıq onlara bölgədə heç bir ehtiyacın qalmaması, eləcə də 3 tərəfli bəyanatın öhdəliklərini Rusiyanın yerinə yetirməsi ilə əlaqədardır. Əlbəttə ki, bu məcrada Azərbaycanın ortaya qoyduğu qətiyyət, Bakının maraqları ilə, Bakının istəkləri ilə güclərin hesablaşması görüntüsünü də yaratmış olur. Məlum məsələdir ki, İlham Əliyevin mən nəyi nə zaman edəcəyimi çox yaxşı bilirəm şərhi mərhələ-mərhələ bütün proseslərdə öz təsdiqini tapmışdır. Bu qərar həm də xaricdə və daxildə olan bəzi dairələrin səsləndirdiyi cəfəng "proqnozlar" və iddiaların əsassız olduğunu, bunu səsləndirənlərin siyasi savad və dünyagörüşünün kasadlığını, qərəzliliyini bir daha sübut etdi”.