Polşa prezidenti Duda Trampla görüşüb

Polşa prezidenti Anjey Duda ABŞ-ın keçmiş prezidenti Donald Trampla Nyu-York şəhərində görüşüb.

"Operativ Media" xəbər verir ki, görüşdə Ukraynadakı müharibə və Dudanın NATO üzvlərinin müdafiə xərclərini artırmaq tələbi müzakirə edilib.

Tramp isə Dudanın böyük iş gördüyünü və onun dostu olduğunu ifadə edərək, bütün yol boyunca Polşanın arxasında olduqlarını vurğulayıb.

Duda iddia edir ki, ABŞ Ukraynaya daha çox yardım göndərməlidir. Nümayəndələr Palatasında Trampın tərəfdarlarının əksəriyyəti Ukraynaya yardımın qəti əleyhinədir.

Bildirilir ki, Tramp və Dudanın razılaşdığı məsələlərdən biri də NATO üzvlərinin müdafiə büdcələrinin artırılması olub.

Bu, Polşada Dudanın Trampla görüşünün ölkəsinin ABŞ prezidenti Co Baydenlə münasibətlərinə xələl gətirə biləcəyi ilə bağlı narahatlıqlara səbəb olub.