Türkiyə prezidenti HƏMAS Siyasi Bürosunun sədri ilə görüşüb - YENİLƏNİB

Türkiyə Prezidenti Rəcəb Tayyib Ərdoğan HƏMAS Siyasi Bürosunun sədri İsmayıl Haniyə ilə görüşüb.

"Operativ Media" xəbər verir ki, Türkiyə Rabitə Müdirliyindən verilən açıqlamada Ərdoğanın Fələstin məsələsinə verdiyi dəstək vurğulanıb.

Görüşdə İsrailin Qəzza başda olmaqla Fələstin torpaqlarına hücumları, Qəzzaya humanitar yardımların lazımi və fasiləsiz çatdırılması üçün nələrin edilməsi lazım olduğu, bölgədə ədalətli və qalıcı sülh prosesi ilə bağlı məsələlər müzakirə edilib.

****

15:58

Türkiyə Prezidenti Rəcəb Tayyib Ərdoğan İstanbulda HƏMAS Siyasi Bürosunun sədri İsmayıl Haniyəni qəbul edib.

"Operativ Media" xəbər verir ki, bu barədə Türkiyə KİV məlumat yayıb.

Görüşdə Fələstində atəşkəs və humanitar yardım məsələlərinin müzakirə olunacağı gözlənilir.