İran XİN sözçüsü Laçın yolundakı vəziyyətlə bağlı verilən suala münasibət bildirib

İran XİN ümid edir ki, Laçın dəhlizinin blokadasının götürülməsi məsələsi Ermənistan və Azərbaycan arasında dialoq yolu ilə həll olunacaq.

"Operativ Media"nın xəbərinə görə, bunu İran XİN sözçüsü Nasir Kənani Laçın dəhlizi ilə bağlı verilən suala cavab olaraq bildirib.

“İran İslam Respublikası həmişə bildirib ki, Ermənistan və Azərbaycan arasında üçtərəfli atəşkəs bəyannaməsinin müddəalarının tam yerinə yetirilməsi iki ölkə arasındakı fikir ayrılıqlarına son qoya bilər. Bölgədə sülh və sabitliyin bərqərar olması üçün həddindən artıq gərginlikdən qaçmaq lazımdır"-deyə Kənani bildirib.