Alen Simonyan: "Rus məmurların erməni xalqı adından danışmağa cəsarət etmələri narahatlıq doğurur"

"Rusiya hökumətinin bir çox məmurlarının Ermənistanın maraqlarını diktə etməyə və erməni xalqı adından danışmağa cəsarət etmələri narahatlıq doğurur".

"Operativ Media" xəbər verir ki, bunu Ermənistan Parlamentinin spikeri Alen Simonyan dünən Avropa İttifaqına üzv dövlətlərin parlament sədrlərinin konfransında çıxışı zamanı bildirib.

O, qeyd edib ki, Ermənistan hökuməti son hadisələrə cavab olaraq nifrət nitqinin yayılmasını və Ermənistanın daxili işlərinə müdaxiləni dayandırmaq üçün Rusiya dövlət televiziyasında Ermənistanda təbliğat proqramının yayımını qadağan edib.

"Ermənistan sülhə sadiqdir və regionda və ya dünyanın istənilən yerində müharibənin istənilən təzahürünü rədd edir", - Simonyan deyib.

Nərmin Qocamanlı