Ərdoğan bu gün Almaniya Prezidenti ilə görüşəcək

Türkiyə prezidenti Rəcəb Tayyib Ərdoğan onun dəvəti ilə Türkiyəyə rəsmi səfərə gələn Frank-Valter Ştaynmayeri Prezident İqamətgahında qəbul edəcək.

"Operativ Media" xəbər verir ki, rəsmi görüşlərdə Türkiyə ilə Almaniya arasında ikitərəfli münasibətlər hər aspektdə müzakirə olunacaq və iki ölkə arasında əməkdaşlığın daha da inkişaf etdirilməsi üçün görüləcək işlər qiymətləndiriləcək.

Görüşlərdə İsrailin Fələstin ərazilərinə hücumları və bölgədəki son vəziyyət, Ukrayna ilə Rusiya arasında davam edən müharibədə son hadisələr, Türkiyə-Avropa Birliyi münasibətləri, qlobal və regional problemlər müzakirə olunacaq.