Blinken Şanxaya səfər edib

ABŞ dövlət katibi Antoni Blinken Şanxaya səfər edib.

"Operativ Media" xəbər verir ki, bu barədə ABŞ Dövlət Departamentinin sözçüsü Metyu Miller "X"də bildirib.

"Antoni Blinken Şanxaydadır – onun bu həftə Çin Xalq Respublikasına səfərinin ilk dayanacağıdır. Onun səfəri əsas məsələlərdə irəliləyiş əldə etmək və ikitərəfli, regional və qlobal problemləri həll etmək üçün davamlı səylərimizin bir hissəsidir", - o, qeyd edib.