İran və Səudiyyə Ərəbistanının XİN rəhbərləri görüşüb.

"Operativ Media" xəbər verir ki, bu barədə İranın xarici işlər naziri Hüseyn Əmir-Abdullahian tviter hesabında paylaşım edib.

"İraqa dəstəyimizi bir daha təsdiqləmək üçün İordaniyada keçirilən Bağdad-2 konfransında iştirak etdim və iclasın kənarında bəzi həmkarlarımla, o cümlədən Oman, Qətər, İraq, Küveyt və Səudiyyə Ərəbistanının xarici işlər nazirləri ilə görüşmək imkanım oldu.  Səudiyyəli nazir məni ölkəsinin İranla dialoqu davam etdirməyə hazır olduğuna əmin etdi"-deyə o qeyd edib.