Peskov: Putinin Çinə səfərinə hazırlıq son mərhələdədir

"Rusiya prezidenti Vladimir Putinin Çinə səfərinə hazırlıq yekun mərhələdədir".

"Operativ Media" xəbər verir ki, bunu Prezidentin mətbuat katibi Dmitri Peskov bildirib.

“Prezidentin Çinə səfəri üçün hazırlıqlar son mərhələdədir, çinli tərəfdaşlarımızla razılaşaraq, bu səfərin tarixlərini birgə elan edəcəyik”, - Peskov jurnalistlərə bildirib.

Prezidentin mətbuat katibi qeyd edib ki, Rusiya və Çin öz suverenliyinə dəyər verən, Qərbin təzyiqini yaşayan və bu təzyiqlərə tab gətirəcək qədər əmin olan suveren ölkələrdir.