Rusiya mübahisəli bütün məsələlərin tənzimlənməsi və sülh sazişinin imzalanması üçün Azərbaycan və Ermənistan arasında təmasların davam etdirilməsinin tərəfdarıdır.

"Operativ Media" xəbər verir ki, bu barədə Rusiya prezidentinin mətbuat katibi Dmitri Peskov jurnalistlərə deyib.

"Bakı və İrəvan arasında təmasların davam etdirilməsinin tərəfdarıyıq və hesab edirik ki, bu, tezliklə sülh sazişi imzalamaq məqsədilə ümumi gərginliyin azalması və gündəmdə duran bütün mübahisəli məsələlərin yekun tənzimlənməsi üçün lazımdır", - Kreml nümayəndəsi deyib.