Britaniya Qırğızıstanda 19,5 milyon dollar kapitala malik investisiya fondu açacaq

Böyük Britaniya Qırğızıstanda kapitalı 19,5 milyon dollar olan investisiya fondu açacaq.

"Operativ Media" xəbər verir ki, bu barədə Böyük Britaniyanın Qırğızıstandakı səfiri Nikolas Bouler jurnalistlərlə görüşündə danışıb.

Onun sözlərinə görə, investisiya fondunun formalaşdırılması ilə yanaşı, britaniyalı investorlar üçün şəraitin yaxşılaşdırılmasına yardım göstəriləcək. İnvestisiya fondunun məqsədi kiçik və orta biznesi və qadın sahibkarlığını dəstəkləmək olacaq.