Qazaxıstanda kütləvi iğtişaşlara görə Daxili İşlər Nazirliyinin sabiq rəhbəri saxlanılıb

Qazaxıstanda Daxili İşlər Nazirliyinin keçmiş rəhbəri Erlan Turqumbayev saxlanılıb.

"Operativ Media" xəbər verir ki, bu barədə Respublika Baş Prokurorluğu "Telegram" kanalında məlumat yayıb .

Məlumata görə, Daxili İşlər Nazirliyinin keçmiş rəhbəri Erlan Turqumbayev 2022-ci il yanvarın əvvəlində baş vermiş kütləvi iğtişaşlar zamanı ağır nəticələrə səbəb olan vəzifə səlahiyyətlərindən sui-istifadədə ittiham olunur.

Bildirilir ki, cinayət işində dövlət sirri təşkil edən məlumatlar var, ona görə də ibtidai istintaqın məlumatları açıqlanmır.