İran XİN başçısı Burkina-Faso baş naziri ilə görüşüb

İranın xarici işlər naziri Hüseyn Əmir-Abdollahian ikinci İran-Afrika ticarət sammitində və İran Ekspo 2024 sərgisində iştirak etmək üçün Tehrana gedən Burkina-Fasonun baş naziri Apollinaire Joachim Kyelem de Tambel və onu müşayiət edən nümayəndə heyəti ilə görüşüb.

"Operativ Media" xəbər verir ki, görüşdə iki ölkə arasında müxtəlif sahələrdə əlaqələrin inkişafı və genişləndirilməsi müzakirə edilib.

Əmir-Abdollahian iki ölkə arasında əlaqələr prosesində, o cümlədən əlaqələrin yol xəritəsinin müəyyən edilməsində və İran və Burkina-Faso arasında ticarət, sənaye, elmi və texnoloji sahələrdə razılaşmaların birgə monitorinqində əldə olunan irəliləyişdən məmnunluğunu ifadə edib. 

Burkina-Fasonun baş naziri İranın yüksək vəzifəli şəxsləri ilə keçirdiyi görüşlərdən və səfərinin müsbət nəticələrindən məmnunluğunu ifadə edərək, bu səfərin İranın zəngin sivilizasiyası və mədəniyyəti haqqında daha çox öyrənmək istəyindən qaynaqlandığını bildirib.

Kyelem de Tambel də ölkəsinin İranla əlaqələri inkişaf etdirmək və gücləndirməkdə qərarlı olduğunu bildirib.