Türkiyə və Qambiya prezidentləri 15-ci İslam Zirvəsinin gündəliyini müzakirə ediblər

Türkiyə Prezidenti Rəcəb Tayyib Ərdoğan Qambiya Prezidenti Adama Barrou ilə telefon danışığı aparıb.

"Operativ Media" xəbər verir ki, görüş zamanı Türkiyə ilə Qambiya arasında ikitərəfli əlaqələr, İsrailin Fələstinə hücumları və Qambiyada keçiriləcək 15-ci İslam Zirvəsinin gündəliyi müzakirə edilib.

Ərdoğan görüşdə İsrailin Qəzzaya hücumlarının dayandırılması və Birləşmiş Millətlər Təşkilatının qərarlarına əməl olunmasının təmin edilməsi üçün İslam dünyasının birlik içində hərəkət etməsinin vacib olduğunu bildirib. O, İslam Zirvəsi çərçivəsində keçiriləcək danışıqların və alınacaq qərarların faydalı olacağına dair arzularını Barrouya çatdırıb və Türkiyəni sammitdə xarici işlər naziri Hakan Fidan tərəfindən təmsil olunacağını bildirib.

Prezident Ərdoğan görüşdə Türkiyə ilə Qambiya arasında əlaqələrin yaxşılaşdırılması üçün qarşıdakı dövrdə ortaq addımların atıla biləcəyini bildirib.