Rusiya hökuməti bu gün istefa verəcək

Mixail Mişustinin rəhbərlik etdiyi Rusiya hökuməti bu gün istefa verəcək. Daha sonra onlar 2020-ci ildə Konstitusiyaya edilən dəyişikliklərdən sonra müəyyən edilmiş yeni qaydalara əsasən seçiləcəklər.

"Operativ Media" xəbər verir ki, hazırkı Nazirlər Kabineti dövlət başçısı vəzifəsinin icrasına başladıqdan sonra, seçilmiş prezident Vladimir Putinin andiçmə mərasimindən dərhal sonra istefa verəcək. Konstitusiya dəyişikliyindən sonra qüvvəyə minən yeni qaydalara görə, hökumət ilk dəfə tam şəkildə seçiləcək.

Yeni normalara görə, baş nazir, baş nazirin müavini və nazirlərin əksəriyyətinə namizədlər Dövlət Duması tərəfindən təsdiqlənəcək. Bu, Daxili İşlər Nazirliyi, Fövqəladə Hallar Nazirliyi, Xarici İşlər Nazirliyi, Müdafiə Nazirliyi və Ədliyyə Nazirliyinin daxil olduğu “təhlükəsizlik bloku”na təsir etməyəcək. Prezident yalnız hakimiyyət orqanları ilə məsləhətləşdikdən sonra rəhbərləri təyin edəcək.

Qeyd edək ki, hazırkı hökumət 2020-ci ilin yanvarında Dmitri Medvedevin rəhbərlik etdiyi əvvəlki kabinetin istefasından sonra təsdiqlənib.