http://operativmedia.az/frontend/img/svg/proqnozu.svg
Bakı 18 ° C

İlk dəfə dövlət xəstəxanasında epilepsiya xəstəsi üzərində ağır cərrahi əməliyyat icra olunub

07 May 2024 , 11:43
İlk dəfə dövlət xəstəxanasında epilepsiya xəstəsi üzərində ağır cərrahi əməliyyat icra olunub

Dövlət tibb müəssisələri arasında ilk dəfə olaraq Kliniki Tibbi Mərkəzdə (KTM) epileptik ocaqların aşkar edilməsi və onun beyindən xaric edilməsi üzrə ağır cərrahi əməliyyat icra olunub.

TƏBİB-dən "Operativ Media"ya verilən məlumata görə, Mərkəzin Neyrocərrahiyyə şöbəsinin müdiri, uzman neyrocərrah Fərid Qaralov və uzman neyrocərrah Nicat Bayramlı və assistent, Neyrocərrahiyyə şöbəsinin həkim-rezidenti Elşən Əhmədlinin iştirakı ilə həyata keçirilən əməliyyat uğurla başa çatıb.

Pasiyent üzərində sol tərəfli anterior temporal lobektomiya və amiqdalohipokampektomiya cərrahi əməliyyat 3 saat davam edib və müsbət nəticə əldə olunub.

Əməliyyat sonrası xəstədə nevroloji defisitsizdir və postop dövrdə epileptik tutma qeyd olunmayıb. Xəstə nevroloqun nəzarəti altında ambulator müalicə üçün evə buraxılıb.

Məlumat üçün bildirək ki, həyata keçirilən əməliyyat bu günə qədər, əsasən, xaricdə və qismən bəzi özəl tibb müəssisələrində baş tutub.

Epileptik ocaqların aşkar edilməsi, onun beyindən xaric olunması əməliyyatının KTM-də icra edilməsi yüzlərlə vətəndaş üçün də əlçatan olacaq.

Qeyd edək ki, vətəndaş 16 yaşlı Sayıl Allahverdiyev uzun zaman hər gün çoxsaylı epileptik qıcolma şikayətinin olması səbəbilə Mərkəzə müraciət edib.

İkili yüksək doza antiepileptik dərman içməsinə baxmayaraq, nəticə əldə olunmayıb. Çəkilən MRT müayinəsi zamanı xəstədə sol Mezial temporal skleroz (MTS) aşkarlanıb. EEG müayinəsi ilə diaqnoz təsdiqlənib.

Qeyd edək ki, epilepsiya doğuş zamanı və ya doğuşdan sonra hər hansı səbəbdən beyni zədələnən insanlarda yaranır. Anidən baş verən epileptik tutmalar beynin müəyyən və ya bütün hissəsinə yayılır. Dərman terapiyası əksər xəstələrdə təsirli olsa da, bəzi xəstələrdə gözlənilən effekti vermir və epilepsiyaya səbəb olan əsas vəziyyətə görə bu xəstələrə cərrahi müdaxilə tətbiq edilir.

OXŞAR XƏBƏRLƏR
Respublika Təcili və Təxirəsalınmaz Tibbi Yardım Mərkəzində ingilis dili üzrə təlimlərə başlanılıb

Respublika Təcili və Təxirəsalınmaz Tibbi Yardım Mərkəzində ingilis dili üzrə təlimlərə başlanılıb

İlham Əliyev və Rəcəb Tayyib Ərdoğan birgə nahar ediblər

İlham Əliyev və Rəcəb Tayyib Ərdoğan birgə nahar ediblər

Zaqatalada daha iki şəxsdə "Qarayara" xəstəliyi diaqnozu təsdiqlənib

Zaqatalada daha iki şəxsdə "Qarayara" xəstəliyi diaqnozu təsdiqlənib

XƏBƏR LENTİ
  • 00:57

    AÇ-2024: Fransa Avstriyanı minimal hesabla məğlub etdi
  • Dünən
    23:01

    Ermənistan müdafiə naziri fransalı həmkarı ilə görüşüb
    Ermənistan müdafiə naziri fransalı həmkarı ilə görüşüb
  • Dünən
    22:16

    Azərbaycanda minalarla mübarizə üzrə üçüncü Beynəlxalq Konfrans keçirilib
    Azərbaycanda minalarla mübarizə üzrə üçüncü Beynəlxalq Konfrans keçirilib
  • Dünən
    22:02

    AÇ-2024: Belçika məğlubiyyətlə başladı
  • Dünən
    21:58

    Berbok: Ukraynaya kömək etməsək, Putinin qoşunları Polşa sərhədinə çatacaq
  • Dünən
    21:36

    Fransanın Ermənistandakı səfiri: Erməni bayrağı fransızların ürəyindədir
  • Dünən
    21:17

    İsrail PUA-ları Livanın cənubuna zərbələr endirib
  • Dünən
    20:56

    İsrail Macarıstanla əlaqələri Avropadakı münasibətləri üçün əsas sayır
Menyu