Hikmət Hacıyev və Ceyk Sallivan arasında telefon danışığı olub
Nərmin Qocamanlı
Hikmət Hacıyev və Baydenin milli təhlükəsizlik üzrə müşaviri Ceyk Sallivan arasında telefon danışığı olub
"Operativ Media" xəbər verir ki, tərəflər Azərbaycan-Ermənistan arasında ikitərəfli əlaqələri, regional təhlükəsizlik məsələlərini, normallaşma və sülh müqaviləsi danışıqlarını nəzərdən keçiriblər.
Hikmət Hacıyev Azərbaycanın regional sülh gündəmini irəli aparmaq əzmində olduğunu bildirib.
Hikmət Hacıyev Laçın-Xankəndi yolunun kəsişməsində qeyri-qanuni faydalı qazıntı yatağının istismarı və bunun nəticəsində ekoloji ziyana görə dinc etiraz aksiyası keçirən Azərbaycan vətəndaş cəmiyyətinin haqlı narahatlığını çatdırıb.
Prezidentin köməkçisi bildirib ki, Ermənistanın “blokada” ilə bağlı iddiaları əsassız, əbəs qara təbliğat cəhdidir.
