Lavrov: "Rusiya Ukraynada, Qərbdə və Avropada öz maraqlarını müdafiə edəcək"

Rusiya Federasiyası Ukraynada və Qərb dövlətləri ilə münasibətlərdə öz maraqlarını müdafiə edəcək. 

"Operativ Media" xəbər verir ki, bunu Rusiya Xarici İşlər Nazirliyinin rəhbəri Sergey Lavrov Xarici və Müdafiə Siyasəti Şurasının (SVOP) XXXII iclasında deyib.

Onun sözlərinə görə, bunu Rusiya Federasiyasının ünsiyyətdə olduğu demək olar ki, bütün xarici həmkarları ümumiyyətlə başa düşür.

Sergey Lavrov həmçinin bildirib ki, Ukrayna ilə bağlı İsveçrədə keçirilən sammitin təşkilatçıları tam cəfəngiyyatla məşğul olublar. Diplomat vurğulayıb ki, Qərb ölkələrindən Ukraynaya uzaqmənzilli silahların tədarükünün artırılması Rusiyada onların Moskva ilə ciddi görüşə hazır olmadıqlarına işarə kimi qəbul edilir.

Həmçinin Rusiya XİN rəhbəri bildirib ki, Rusiya Federasiyası ilə Qərb arasında xarici siyasət münaqişəsinin kəskin mərhələsi tam sürətlə gedir. Onun sözlərinə görə, avropalı qonşular arasında Rusiya əleyhinə ritorikaya xüsusi həvəs var.