Tokayev İran xalqına başsağlığı verib

Qazaxıstan Prezidenti Kasım-Jomart Tokayev İran Prezidenti İbrahim Rəisinin təyyarə qəzasında həlak olması ilə əlaqədar İran xalqına başsağlığı verib.

"Operativ Media" xəbər verir ki, bu barədə Tokayevin mətbuat xidməti məlumat yayıb.

"İbrahim Rəisi bütün həyatı boyu İran dövlətinin mənafelərinə xidmət edən görkəmli dövlət xadimi olub. Xalqının rifahının yüksəldilməsi və regionda sabitliyin qorunmasında onun təşəbbüsləri və xidmətləri Qazaxıstanda həmişə yüksək qiymətləndirilmişdir", - o, qeyd edib.