XİN: Türkiyə daha çox ölkənin Fələstini tanıması üçün səylərini davam etdirəcək

İspaniya, İrlandiya və Norveçin Fələstin Dövlətini tanımasından çox məmnunuq.

"Operativ Media" xəbər verir ki, bu barədə Türkiyə XİN-nin yaydığı bəyanatda bildirilib.

"Fələstinin tanınması beynəlxalq hüququn, ədalətin və vicdanın tələbidir. İşğal olunmuş Fələstin xalqının qəsb edilmiş hüquqlarının geri alınması və Fələstinin beynəlxalq ictimaiyyətdə layiq olduğu statusu qazanmasına köməklik baxımından son dərəcə əhəmiyyətli bir addımdır.

Türkiyə olaraq daha çox ölkənin Fələstini tanıması üçün səylərimizi davam etdirəcəyik".