Putin və Bəhreyn kralı Kremldə danışıqlara başlayıblar

Rusiya Prezidenti Vladimir Putin və Bəhreyn kralı Həməd bin İsa Əl Xəlifə Kremldə dar çərçivədə danışıqlara başlayıblar.

"Operativ Media" xəbər verir ki, bu barədə Kreml məlumat yayıb.

Bildirilib ki, tərəflər Fələstin-İsrail münaqişəsinin kəskinləşməsini müzakirə edəcəklər. Onlar qeyd ediblər ki, Rusiya Federasiyası və Bəhreynin Yaxın Şərq nizamlanmasına yanaşmaları üst-üstə düşür.

Qeyd edək ki, Bəhreyn kralı bir gün əvvəl Rusiyaya rəsmi səfərə gəlib.