Alexander Stubb: Finlandiyanın Ukraynaya dəstək səviyyəsi son həddindədir

"Finlandiyanın Ukraynaya dəstəyi hazırda son həddə çatıb",

"Operativ Media" xəbər verir ki, bunu Finlandiya prezidenti Alexander Stubb STT telekanalına müsahibəsində bildirib.

"Amma deyək ki, biz də indi geniş miqyaslı dəstəyimizin son həddindəyik. Bu yardım iki ildən bir qədər artıqdır ki, verilir. Yardımın həcmi 3 milyard avro civarındadır", - o, qeyd edib.

Apreldə Finlandiya Ukraynaya 188 milyon avro dəyərində 23-cü hərbi yardım paketini göndərib. Finlandiyanın baş naziri Petteri Orpo bəyan edib ki, ölkə Kiyevə daha bir hərbi yardım paketinin ötürülməsi barədə artıq razılaşıb.