Estoniya və Ukrayna arasında təhlükəsizlik sazişi imzalanacaq

Estoniyanın xarici işlər naziri Marqus Tsahkna yaxın vaxtlarda təhlükəsizlik zəmanətləri haqqında sazişin imzalanacağını açıqlayıb.

"Operativ Media" xəbər verir ki, nazir bunu Ukrayna Xarici İşlər Nazirliyinin rəhbəri ilə birgə mətbuat konfransında deyib.

O, həmçinin bəyan edib ki, regionda təhlükələrin artması səbəbindən Ukrayna NATO-ya üzv olmalıdır. Tsahkna hesab edir ki, Rusiya bütün Avropa üçün təhlükə yaradır və Ukraynanın təcrübəsi Şimali Atlantika Alyansı üçün lazımdır.