Türkiyə və Çin xarici işlər nazirləri görüşüb

Türkiyənin xarici işlər naziri Hakan Fidan çinli həmkarı Vanq Yi ilə görüşüb.

"Operativ Media" xəbər verir ki, nazir Çinə səfərinin ikinci günündə təmaslarına başlayıb.

Hər iki xarici işlər naziri birgə mətbuat konfransı keçirəcək. İkitərəfli əlaqələrlə yanaşı, Qəzza ilə bağlı da açıqlama veriləcəyi gözlənilir.

Hakan Fidan Pekin təmaslarını bu gün tamamlayaraq Urumçiyə gedəcək. O, Sincan-Uyğur Muxtar Vilayətinin Urumçi və Kaşqar şəhərlərinə səfər edəcək.