Politico: Baydenin xarici siyasəti ona seçkilərdə mane ola bilər

ABŞ prezidenti Co Baydenin xarici siyasəti, xüsusən də Ukrayna və Qəzza zolağındakı münaqişələrdə ölkənin hərəkətləri prezident seçkilərində ona mane ola bilər.

"Operativ Media" xəbər verir ki, bu barədə Politico yazır.

Nəşr vurğulayır ki, Baydenin reytinqi 2021-ci ilin yayında Amerika qoşunlarının Əfqanıstandan uğursuz çıxarılmasından sonra düşüb. O, xarici siyasətdə, xüsusən də Ukraynada hərbi münaqişə başlayandan sonra NATO müttəfiqlərini birləşdirməklə bir sıra uğurlara nail ola bilsə də, son aylarda vəziyyət dəyişib. Ukrayna mövqelərini itirir və Qəzza zolağında hərbi münaqişə Baydenin atəşkəsə nail olmaq səylərinə baxmayaraq, sona yaxınlaşmır.