Kobaxidze: Xarici agentlər haqqında qanun Gürcüstanda iğtişaşların qarşısını almağa xidmət edir

"Parlamentin qəbul etdiyi xarici agentlər haqqında qanun ölkədə iğtişaşların və inqilabların qarşısını almağa xidmət edir".

"Operativ Media" xəbər verir ki, bunu Gürcüstanın baş naziri İrakli Kobaxidze bildirib.

"Qanunla bağlı heç bir arqument təqdim edilmədi. Mən hamıya ictimai müzakirə təklif etdim, amma hamı bundan yayındı. Bütün bunlar onu göstərir ki, əslində heç bir arqument yoxdur. Bu qanun şəffaflığın, inqilabın, iğtişaşların qarşısının alınmasına xidmət edir”, Kobaxidze jurnalistlərə bildirib.