KİV: Rusiya və Gürcüstan diplomatik münasibətlərin bərpası üzərində işləyir - YENİLƏNİB

Rusiya Xarici İşlər Nazirliyi Gürcüstan mətbuatında ölkələr arasında diplomatik münasibətlərin bərpası istiqamətində görülən işlər barədə məlumatı şərh edib.

"Operativ Media" xəbər verir ki, Rusiya XİN hesab edir ki, məlumat Gürcüstanın müxalifət mənbələri tərəfindən yayılır.

"Biz gürcü müxalifət resurslarının tirajladığı müxtəlif “şaiyələri” şərh etməyin mənasını görmürük" - məlumatda deyilib.

Qeyd edək ki, Gürcüstan və Rusiya arasında diplomatik əlaqələr üzrə işlərin aparılması barədə məlumatı bir gün əvvəl, iyunun 11-də Gürcüstanın “Mtavari Arxi” telekanalı yayıb.

***

09:02

Gürcüstan və Rusiya hökumətləri diplomatik münasibətlərin bərpası və Gürcüstanın Moskvada səfirliyinin açılması üzərində işləyirlər.

"Operativ Media" RİA-ya istinadən xəbər verir ki, bu barədə Gürcüstanın müxalif “Mtavari Arxi” telekanalı iddia edir.