Gürcüstan Bakı və İrəvanın dövlət sərhədinin delimitasiyası prosesinə başlamaqla bağlı tarixi qərarını alqışlayır

Gürcüstan İrəvan və Bakının dövlət sərhədinin delimitasiyası prosesinə başlamaqla bağlı tarixi qərarını alqışlayır və ümid edir ki, respublikalar arasında sülh prosesi müsbət dinamikanı saxlayacaq.

"Operativ Media" xəbər verir ki, bunu Gürcüstanın xarici işlər naziri İlya Darçiaşvili Tbilisidə Ermənistanın xarici işlər naziri Ararat Mirzoyanla birgə keçirdiyi brifinqdə deyib.

“Gürcüstan Cənubi Qafqazda sülh və təhlükəsizliyin bərqərar olmasını qətiyyətlə dəstəkləyir və sülh və sabitliyin qorunması üçün konstruktiv dialoqun təşviqinə töhfə verməyə hazırdır”.