Filippin və Yaponiya ölkələrə birgə hərbi təlimlər və humanitar əməliyyatlar üçün bir-birlərinin ərazilərində qoşun yerləşdirməyə imkan verəcək müdafiə paktı imzalayıb.

"Operativ Media" xəbər verir ki, bu barədə Filippinin GMA xəbər agentliyi məlumat yayıb.

Məlumata görə, Filippin və Yaponiya Cənubi Çin dənizində gərginliyin artması şəraitində iki ölkə arasında müdafiə sahəsində əməkdaşlığı gücləndirmək məqsədi daşıyan mühüm Qarşılıqlı Giriş Sazişi (RAA) imzalayıb. Sazişin imzalanmasında Yaponiya tərəfdən Yaponiyanın xarici işlər naziri Kamikava Yoko və Yaponiyanın müdafiə naziri Kihara Minoru iştirak ediblər.