Rusiya XİN: Moskva Aİ-nin Ermənistandakı missiyasının fəaliyyətinin genişlənməsindən narahatdır

"Rusiya Aİ-nin Ermənistandakı missiyasının fəaliyyətinin genişlənməsindən narahatdır və Kanada nümayəndələrinin orada iştirakı NATO-nun Cənubi Qafqaza sürətlə nüfuz etməsindən xəbər verir".

"Operativ Media" xəbər verir ki, bunu Rusiya xarici işlər nazirinin müavini Mixail Qaluzin bildirib.

“Dəfələrlə qeyd etdiyimiz kimi, biz Aİ-nin Ermənistandakı missiyasının fəaliyyətini mənfi qiymətləndiririk”, - o, bildirib.

Qaluzin fikrincə, Avropa İttifaqının vəzifəsi region dövlətlərinin - Rusiya, İran və Türkiyənin ənənəvi tərəfdaşları və qonşularının maraqlarına zərər verərək Cənubi Qafqazda möhkəmlənməyə çalışmaqdır.